ក្រុមហ៊ុន Destinus ដែលជាក្រុមហ៊ុនចាប់ផ្តើមអាជីវកម្មថ្មីថ្មោងរបស់ប្រទេសស្វីស បានប្រកាសថា ខ្លួននឹងចូលរួមក្នុងគំនិតផ្តួចផ្តើមមួយរបស់ក្រសួងវិទ្យាសាស្ត្រអេស្ប៉ាញ ដើម្បីជួយរដ្ឋាភិបាលអេស្ប៉ាញអភិវឌ្ឍយន្តហោះល្បឿនលឿនជាងសំឡេង ដែលដើរដោយថាមពលអ៊ីដ្រូសែន។
ក្រសួងវិទ្យាសាស្ត្រអេស្ប៉ាញនឹងចូលរួមចំណែកចំនួន ១២ លានអឺរ៉ូដល់គំនិតផ្តួចផ្តើមនេះ ដែលនឹងពាក់ព័ន្ធនឹងក្រុមហ៊ុនបច្ចេកវិទ្យា និងសាកលវិទ្យាល័យអេស្ប៉ាញ។
លោក Davide Bonetti អនុប្រធានផ្នែកអភិវឌ្ឍន៍អាជីវកម្ម និងផលិតផលរបស់ Destinus បានមានប្រសាសន៍ថា “យើងពិតជារំភើបរីករាយណាស់ដែលបានទទួលជំនួយឥតសំណងទាំងនេះ ហើយសំខាន់ជាងនេះទៅទៀត រដ្ឋាភិបាលអេស្ប៉ាញ និងអឺរ៉ុបកំពុងជំរុញមាគ៌ាយុទ្ធសាស្ត្រនៃការហោះហើរអ៊ីដ្រូសែនស្របតាមក្រុមហ៊ុនរបស់យើង”។
ក្រុមហ៊ុន Destinus បានធ្វើតេស្តគំរូដើមអស់រយៈពេលប៉ុន្មានឆ្នាំចុងក្រោយនេះ ដោយគំរូដើមទីពីររបស់វាគឺ Eiger បានហោះហើរដោយជោគជ័យនៅចុងឆ្នាំ ២០២២។
ក្រុមហ៊ុន Destinus ស្រមៃមើលយន្តហោះល្បឿនលឿនជាងសំឡេងដែលដំណើរការដោយអ៊ីដ្រូសែន ដែលមានសមត្ថភាពឈានដល់ល្បឿន 6,100 គីឡូម៉ែត្រក្នុងមួយម៉ោង ដោយកាត់បន្ថយពេលវេលាហោះហើរពីទីក្រុង Frankfurt ទៅកាន់ទីក្រុង Sydney ពី 20 ម៉ោងមកត្រឹម 4 ម៉ោង និង 15 នាទី។ ពេលវេលារវាងទីក្រុង Frankfurt និងទីក្រុង Shanghai ត្រូវបានកាត់បន្ថយមកត្រឹម 2 ម៉ោង និង 45 នាទី ដែលខ្លីជាងការធ្វើដំណើរបច្ចុប្បន្ន 8 ម៉ោង។
ពេលវេលាបង្ហោះ៖ មេសា-០៤-២០២៣