შვეიცარიულმა სტარტაპმა Destinus-მა განაცხადა, რომ მონაწილეობას მიიღებს ესპანეთის მეცნიერების სამინისტროს ინიციატივაში, რომელიც ესპანეთის მთავრობას წყალბადის ძრავით მომუშავე ზებგერითი თვითმფრინავის შემუშავებაში დაეხმარება.
ესპანეთის მეცნიერების სამინისტრო ინიციატივისთვის, რომელშიც ტექნოლოგიური კომპანიები და ესპანური უნივერსიტეტები ჩაერთვებიან, 12 მილიონ ევროს გამოყოფს.
დავიდე ბონეტიმ, Destinus-ის ბიზნესის განვითარებისა და პროდუქტის ვიცე-პრეზიდენტმა, განაცხადა: „ჩვენ აღფრთოვანებულები ვართ ამ გრანტების მიღებით და რაც მთავარია, ესპანეთის და ევროპის მთავრობები ჩვენს კომპანიასთან შესაბამისობაში წყალბადის ფრენის სტრატეგიულ გზას ავითარებენ“.
Destinus-ი ბოლო რამდენიმე წელია პროტოტიპებს ცდის, ხოლო მისი მეორე პროტოტიპი, Eiger, წარმატებით გაფრინდა 2022 წლის ბოლოს.
Destinus-ი წყალბადის ძრავიან ზებგერით თვითმფრინავს განიხილავს, რომელსაც საათში 6100 კილომეტრი სიჩქარის განვითარება შეეძლება, რაც ფრანკფურტიდან სიდნეიმდე ფრენის დროს 20 საათიდან ოთხ საათსა და 15 წუთამდე შეამცირებს; ფრანკფურტსა და შანხაის შორის ფრენის დრო კი ორ საათსა და 45 წუთამდე შემცირდა, რაც ამჟამინდელ მგზავრობაზე რვა საათით ნაკლებია.
გამოქვეყნების დრო: 2023 წლის 4 აპრილი